[NOTA DE COLÓQUIO] Direito dous contratos: perspetivas de futuro. Diálogos sobre a Proposta de modernización do Código Civil

Os pasados días 5 e 6 de decembro varios membros do grupo de investigación De Conflictu Legum participaron no Congreso “Direito dous contratos: perspetivas de futuro. Diálogos sobre a Proposta de modernización do Código Civil”, celebrado na Facultade de Dereito da Universidade Católica Portuguesa, en Lisboa.

Xunto aos profesores Nuno Pinto Oliveira, da Universidade de Braga, e Henrique #Sousa Antunes, da universidade anfitrioa, a profesora María Paz García Rubio codirigió e interveu nas mesas dedicadas á invalidez do contrato e ao concepto de incumprimento. Tamén o investigador postdoutoral Ignacio Varela Castro interveu na mesa que versaba sobre a vinculación pola confianza na Proposta de Modernización.

Pola súa banda, presentaron comunicacións a profesora Julia Ammerman Yebra (Pactos de limitação e exclusão de responsabilidade na proposta de Modernización do Código Civil), e os investigadores predoctorales Ernesto Sarrión Hernández (Pertinencia da anulabilidade do contrato por quen debeu prestar o apoio, e non o fixo), e Hernán Cortez López (Unificar para diversificar. Os principios básicos do Dereito como límite á autonomía da vontade). Na xornada do venres tamén interveu como moderador na mesa dedicada ás cláusulas penais o catedrático de Dereito internacional privado e investigador deste grupo, o profesor Santiago Álvarez González.

Doutra banda, no Congreso participaron colaboradores do proxecto actualmente en curso, como a catedrática de Dereito civil da Universidade das Palmas de Gran Canaria, Carolina Mesa Marrero, na mesa dedicada aos contratos preliminares.

O coloquio, marcado polo alto nivel das intervencións tanto dos participantes lusos como dos españois, fomentou a análise da proposta de modernización do CC en materia de obrigacións e contratos non só desde a perspectiva española, senón tamén portuguesa. Neste ordenamento aínda non acometeron unha reforma do seu CC -certamente máis novo que o noso, pero así e todo non adaptado ao tráfico da economía actual- nin hai visos de que se vaia a presentar unha proposta a curto prazo, o que non impide que haxa un interese por modernizar o seu articulado.

Desde aquí agradecemos unha vez máis a cálida acollida que se deu na Facultade de Dereito da Universidade Católica Portuguesa a todos os participantes que acudimos durante estes días de decembro á asollada Lisboa.