[Nota de seminario] A pretensión de cumprimento nas Propostas de Modernización do Código Civil

O pasado 24 de abril (17:00), a Prof.a Sonia Martín Santisteban, da Universidade de Cantabria, ditou o seminario “A pretensión de cumprimento nas Propostas de Modernización do Código Civil”. Durante a súa presentación, a relatora analizou como estas propostas abordan os remedios fronte ao incumprimento contractual, comparando as dúas versións e destacando aspectos como a horizontalidade dos remedios, a operación de substitución e os límites ao dereito de cumprimento. Esta actividade enmárcase no ciclo de seminarios mensuais realizados polo grupo de investigación De Conflictu Legum para a análise da Proposta de modernización do Código Civil español en materia de obrigacións e contratos.